|
| 真係好耐冇update過哩個xanga~ 而家就update下d 最近情況先.....
．V小姐(即係W太太) 最近有左4個幾月BB, 仲話等佢生完就帶佢返o黎見下我地, 真係開心到暈。
．另一個V小姐話要結婚LA 喎. 係9月25日. 咁arm 又係我同事S正日生日, 又係開心事。
．E小姐的6月婚禮快到, 正正是我生日的翌日, 但E小姐唔係好開心, 我知佢點解唔開心, 但係我唔識得點去安慰佢至可以令佢開心返D, 我表達能力唔好, 好想搵D 唔同既野去"Tum" 佢令佢心情好D......雖然佢好忙, 但都希望佢可以放鬆自己, 不要太在意, 橫掂都要咁, 不如開心d la~.... Life must go on.... 人地話6月新娘係會好幸福GA, 我諗你都會係。。。
．F小姐(即係而家的K小姐)在4月時舉行了婚禮, 希望佢同H先生快快樂樂的一起生活。
．自己 - 減肥進行中, 之前減左又重返幾lb, 要再努力先得. 唔得就要搵修x堂la。而家每晚都去公園跑步, 但跑得果20~25分鐘, 太少, 但自己知道差唔多頂唔順就要停腳, 希望可以慢慢再跑得耐d 減得多d...... 加油 A ZA A ZA FIGHTING! 而家減左2lb, 太少. 要減 50lb, 因為太肥唔健康.... 希望可以好似家姐一樣咁瘦, 到時可以著短褲同裙, 仲可以著泳衣去游水yo~ 如果可以再減得快d就好la~
講住咁多先la~ 得閒再update.... | | |
| 果日去左TST海港城港威商場3樓果間叫 "Rice Paper" o既越南餐廳食家姐的B.Day Dinner.
仲有4個表姐(慧, 思敏, 敏儀 & 燕)一齊同佢慶祝。
去到"Rice Paper" 搵唔到佢地, 原來佢地坐左出去露天果part。
一行出去... 嘩~~ 好靚呀~ 個夜景...
因為我地係坐最出果個角位, 所以冇人擋住我地睇靚景...
我地去到既時候, arm arm係開始做激光匯演...
雖然冇煙花同有霧...但係都好正...
咁我地就一齊影相la~ 諗住個待應可以影埋個靚景ga ma, 點知佢一d都影唔到入鏡 lor.... 人o既問題..
跟住食o野la.. 可能我未真正食過越南菜.. 發現唔arm自己...
得果個青咖哩雞, 蒜蓉包同豬扒"賓"海好食, 乜乜野菌菜苗果個都幾好食
其他的乜乜燒牛肉檬粉同軟殼蟹紙米卷, 佢地話好食...
但唔係我可以接受到的味道.... 至於個茄子燴肉鬆... 比我想像中差...冇味..
我叫左杯香橙桔子soda.. 幾好飲....
我地一路食一路傾... 傾到十一點幾人地開始收舖我地就走人la~
下面果張就係影唔到景o既相la~
 | | |
| 今日同E-MAN 同Lily 去CWB 扒王之王食Dinner~
原本諗住坐圓形 Sofa 位, 點知佢地話果part 未開住, 咁就俾左窗口卡位我地la~
我地7點2、3左右去到, 唔知係咪時間尚早冇乜客, d 待應真係得閒到係度睇電視, 仲係度講歲月風雲預告添, 仲有個一路行一路唱播緊o既歌~都幾悠閒feel~
跟住就一路食一路傾, 傾, 傾... 但係我覺得我地食得好快, 半粒鐘就食唒d o野, 坐o係度傾o左一陣, 又講下近況, 又八下咁la, 埋單走人果時Lily就冇散紙找俾我地, 咁就叫個待應打散張一百蚊, 點知我地同佢講o既時候, 佢就話: 「唱唒2蚊!」(塞一塞)再話: 「唱唒1蚊」 我諗佢係想講「唱唒20蚊」, 但但係講左做2蚊, 我地當堂笑到停唔到, 因為實在太好笑, 返黎仲要話: 「1張唱5張, 抵啦!」真搞笑。。。。
其實哩間扒王之王o既o野食同服務真係唔錯, 又坐得舒服, d 待應d 服務都幾好, 仲好有禮貌添~o係搞笑o左少少jei~都幾好, 下次可以再去食下~~~
食完跟住去左行街, 行左Times Square, 乜都係度裝修緊, 所以好快就行完, 之後就返屋企lu~~ | | |
| 同Joyce、Judy & Catherine 去o左旺中Neway 唱 K 哩~ 
入o左一間都幾細o既房仔入面, 但係我覺得哩間Neway OK 喎, 起碼我覺得我o係走廊聽唔到人地房入面唱乜先 (除非開o左度門la) 同埋d 音響幾好, 好過其他幾間公司先la~仲有個廁所好乾淨。Good !! 
我地由7:30pm 開始唱, 本來只係可以唱到10:30pm, 但係冇人我地就係咁唱, 唱到11:40pm左右, 因為我要趕小巴, 所以埋單走la~ 唱左 4 個鐘, 好滿足哩~  | | |
| 改成中文版面先~~ | | |
|
